জোনাকৰ বৰষুণ

আঘোণৰ এই কুঁৱলীসনা নিশাৰ

জোনাকৰ নিৰিবেলি বৰষুণত

অকলশৰে তিতি আছো মই,

নাজানো; কেতিয়া সাম কাটিব বৰষুণজাকে

আৰু..........

মোৰ হৃদয় কোঠালিত কি ৰং বোলাব!!!

তোমাৰ অনুভৱৰ বৰষুণৰ টোপালত

আজি মই বাৰুকৈয়ে মাতাল,

নিস্তব্ধ বেদনাৰ এই উজাগৰী নিশাটোত

বৈ আছে.......

অকল নি:সংগতাপূৰ্ণ বতাহ।

পূৰ্ণ হ'ব এদিন; মোৰ নি:সংগতাবোৰ

জোনাকীৰ পোহৰে পোহৰাই তুলিব

হৃদয় কোঠালীৰ নিস্তব্ধ বেদনাবোৰ,

মোৰ হৃদয়লৈ নামি আহা তুমি

জোনাকৰ এজাক বাৰিষা হৈ 

আৰু; ধুই নিয়াহি দুখৰ কলা কামিজযোৰ

লৈ আহা মোৰ বুকুৰ সেউজীয়াবোৰ।